कोरोनानंतर दीर्घकाळाने शाळा सुरू झाल्या आहेत. काल संजय गांधी वसाहत येथील संजय महादेव निम्हण प्राथमिक विद्यालय येथील विद्यार्थ्यांना शैक्षणिक साहित्याचे वाटप करण्यात आले. दीर्घकाळ घरी रहावं लागलेल्या विद्यार्थ्यांच्या चेहऱ्यांवर खूप दिवसानंतर शाळेत आल्याचा आनंद ओसंडून वाहत होता. यासोबतच आपल्या आवडीचे शालेय साहित्य मिळाल्याने त्यांच्या आनंदाला पारावर उरला नाही. देशाचे उज्ज्वल भविष्य असलेल्या विद्यार्थ्यांच्या चेहऱ्यांवर हसू आणि आनंद बघून एक आगळेवेगळे समाधान आहे. यावेळी मुख्याध्यापक मॅडम,माळी मॅडम, अरूण चव्हाण, लहू खेतावत, लोकेश नेनावत आदी मान्यवर उपस्थित होते.
